Fara í aðalinnihald
Góðan dag
Jæja, það er skollið á stríð. Einhverjar bombur féllu í nótt. Þetta er nú ekki spennandi. Ég er ósáttust af öllu við það að Íslendingar samþykki þetta brjálæði í Bush. Ekki var ég spurð og ég er alls ekki sammála þessum einræðisherra þarna vesturfrá.
En lífið heldur áfram hérna hjá okkur og við förum í vinnunna og kennum börnunum eins og ekkert sé að gerast úti í heimi.
Ég er að fara að halda fermingarveislu og er búin að setja boðskortin í umslög, þau fara í póst í dag. Drengurinn er allur hressari af flensunni, en verður þó heima í dag. Dóttirin er líka lögst, hún er með svo mikinn höfuðverk að það borgar sig ekki að senda hana í skólann þó að hún sé hitalaus. Hún er verulega spæld því að það er áætluð ferð með TTT á morgun sem hún missir af ef hún hressist ekki verulega hratt.

Námið gengur ágætlega hjá mér, ég er að fara að skoða nemanda í dag eða á morgun. Ég ætla að skoða tvo í árganginum sem ég kenni, jafnvel fjóra ef ég má. Mér finnst mjög spennandi að sjá hvernig nemendur koma út úr svona könnun sem ég er að kenna daglega. Við erum einmitt að vinna verkefni sem þeir þurfa að nota Netið til þess að sækja upplýsingar. Ég ætla að senda Sólveigu bréf í dag og spyrja hana. Nú er ég búin að ákveða að gera vefleiðangra um landnámið og Suðurland og stóra verkefnið á að vera tengdur stærðfræðikennslu (hvernig sem ég fer að því). Ég er að fara á vinnufund með Fleti um helgina og fæ þá kannsi hugmyndir sem nýtast mér í verkefnavinnunni.

Jæja, þá er komið á morgunmat, garnirnar eru farnar að gaula.

kveðja
mas

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira