Fara í aðalinnihald
Jæja, nú er kominn mánudagur og lífíð er komið í nokkur fastar skorður aftur. Síðasta vika var hreinn kleppur, en það er svo spennandi stundum. Tölvan hans Lóa komst í lag og við gátum klárað fyrirlesturinn á fimmtudaginn. Það var setið frá hálf fimm og fram á nótt. það er mjög lærdómsríkt að vinna með Lóa að svona verkefnið. Hann tengir allt sem hann er að gera við fræðin, verður alltaf að finna fæturnar, annars virkar þetta ekki (hann segir það). Ég er sammála honum. Þess vegna vorum við svona svakalega lengi að undirbúa okkur. Það þurfti að finna rök fyrir því sem við vorum að kynna. Nema hvað er endurmenntunarfyrirtæki sem hann og hans fjölskylfa rekur. Ég er bara í vinnu hjá honum. Hann hefur haldið námskeið víða. Síðasta stóra námskeið sem hann hélt var á Akranesi og gekk það út á það hvernig er hægt að nota Front page í kennslu eða skólastarfi. Kennara urðu að tengja takkanámskeiðið við verkefni sem unnin eru í skólanum. Ekkert ósvipað og við erum að gera í Kenna. Í framhaldi af því að halda námskeið fyrir 90 kennara á Skaganum spratt hugmynd að fjórum öðrum námskeiðum, til að koma til móts við þarfir sem flestra kennara og starfsmanna skólanna.

Við lögðum sem sagt að stað snemma á föstudagsmorguninn þegar búið var að brenna fyrirlestrana á disk (allt á síðustu stundu). Við vorum komin til Akureyrar á réttum tíma. Náði einum fyrirlestri þann daginn, hjá Lilju Jónsdóttur í Grandaskóla. Tók þátt í líflegum umræðum að fyrirlestrinum loknum. Við gistum hjá Hildu Torfadóttur og Hauki Ágústssyni í fjósi, sem búið er að breyta í höll. Ótrúlega flott. Borðuðum með þremum effum (FFF) Félag forritara í fræðsluumhverfinum. Voða gama, hitti fullt af fólki sem er í sama bransa og ég og er að kenna á ýmsum skólastigum.

Á laugardagsmorguninn héldum við okkar fyrirlestur, gekk vel: Lói talaði 90% af tímanum en hvað lætur maður ekki yfir sig ganga. Við náðum að fjalla um 25% af glærunum okkar, vegna þess að Lói þurfti svo mikið að tala um fæturnar undir námskeiðunum.
Hann hélt annan fyrirlestur eftir hádegi. Þar var mæting mun betri, Auður kom með innlegg þar og var frábær. Við lögðum síðan af staf heim að ráðstefnunni lokinni. Komin heim um níuleytið. Ansi þreytt og ósofin.

Ég fór síðan í morgun að hlusta á son minn flytja fyrirlestur í enskutíma og var hann mjög flottur
mynd af honum kemur hérna.

kveðja
mas

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira