Fara í aðalinnihald
Helgin er búin að vera viðburðarík.
Ég byrjaði á nýju námskeiði í Kennó á föstudaginn, námskrárfræðum. Ég verð að viðurkenna að ég var ekki alveg tilbúin að byrja á nýjum kúrsi strax og fór því með hálfum huga. Lella var nú samt búin að peppa mig upp og segja mér að þetta væri meiriháttar kúrs og ég yrði ekki svikin. Og það kom á daginn. Ég var mjög ánægð með þessa tvo daga. Þorsteinn Helgason byrjaði og fór yfir önnina. Eftir hádegi mætti Guðni Olgeirsson frá menntamálaráðuneytinu og var ég passlega hrifin. Hann fór töluvert í viðmiðunarstundatöflu, öllum skólum bæri að fara eftir henni. Ég hugsaði þá að ég færi örugglega ekki eftir viðmiðunarstundatöflu sem kennari vegna þessa að kennslan hjá mér er meira skipulögð með samþætt verkefni í huga en aðskildar greinar. Þannig að ég er trúlega búin að kenna samfélagsfræði og íslensku fyrir nokkur ár ef horfa á fjölda kennslustunda. Ég næ örugglega að vera með hér um bil réttan tímafjölda í náttúrfræði, stærðfræði og ensku, en stórefast um að ég hafi kennt nógu marga tíma í kristinfræði. En hún var tekin mjög vel fyrir í fyrra. Seinni daginn kynntum við skólanámskrár úr okkar skólum og síðan talaði Sigurjón Mýrdal um mat. Hann var þá aðallega að fjalla um mat á skólastarfi. Muninn á innra og ytra mati. Að lokum var rætt um verkefnaksil og lokaverkefni.

Á sunnudaginn hélt ég áfram með vefinn um landnámið. Ég vann hann upp í skóla á meðan Kristín Björg var á fiðlunámskeiði. Mig langaði síðan alveg rosalega að mæta á fund með frambjóðendum allra flokka úr kjördæminu. Ég er búin að ákveða mig, loksins. Ég skokkaði 10 km og lagðist aðeins í pottinn. Ásdís vinkona okkar kom síðan og eldaði frábæra þriggja rétta máltíð, við lágum hérna öll afvelta af ofáti. Þetta var mjög góður dagur og skipulagið tókst fullkomlega.

Í dag kenndi ég að vanda. Nemendur héldu áfram með landnámsverkefnið og gekk ágætlega hjá öllum hópum að ljúka við áætlunina. Byrjuðu þeir síðan að vinna verkefnið samkv. áætluninni. Ég fór til Lóa eftir vinnu og bar undir hann lokaverkefnið. Hann skildi þetta ekki alveg í fyrstu tilraun, en hringdi síðan í mig í kvöld og var þá búin fatta hvað ég meinti. Ég fór síðan á fræðslunefndarfund. Þegar heim kom beið þvotturinn og eitthvað af heimilisstörfum. En Björn var að elda, hjúkk :-)

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira