Fara í aðalinnihald

Helgin

Það var nóg að gera um helgina. Á föstudagskvöldið fékk SF að bjóða nokkrum vinum sínum heim. Við grilluðum hamborgara fyrir þá og síðan var ís, snakk og vídeo. Þeir sváfu síðan í einni kös inni hjá SF. Mér var sagt að sumir hafi vakað til kl. fjögur og vaknað kl. níu.
Á laugardaginn var byrjað daginn á spinning og heita pottinum. Ákvað að sleppa kvennahlaupinu í þetta sinn sökum áhugaleysis. Við renndum í bæinn, byrjuðum á að fara í Blómaval á láta skreyta skálina fínu, sem við gáfum Vigdísi og Jakob í brúðargjöf. Síðan var aðeins farið í búðir, það var svo erfitt og til að létta lundina fórum við í gönguferð í grasagarðinum og fengum okkur síðan ís hjá Hebba. Röltum Laugarveginn í rólegheitum. Mamma og pabbi grilluðu áður en farið var af stað í brúðkaupið.
Brúðkaupið var haldið í Iðnó. Þetta var yndisleg athöfn og frábær veisla. Haldnar voru ræður og nokkur skemmtiatriði og síðan var dansað fram eftir nóttu. Veðrið skemmdi ekki fyrir og var hægt að vera úti með öndunum eða inni með... Við fórum að sjálfsögðu með þeim seinustu heim.
Ég verð að viðurkenna að ég var dálítið slöpp þegar ég vaknaði í kæfandi hita, en heilsan lagaðist þegar leið á daginn. Við fórum í heimsókn til Halldóru og Hafsteins, þau eru flutt í Hvammabrautina, rétt hjá mömmu og pabba. Síðan heilsuðum við upp á Lilju og Hörð og að lokum var farið í matarboð í Hátúnið hjá Kobba og Eygló. Frábær dagur.

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira