Fara í aðalinnihald

Fyrsti skóladagurinn hjá KB

Kristín Björg fór í fyrsta skipti í skóla í Danmörku í dag. Skólinn hennar heitir Sundbysöster skolen og er voðalega fínn skóli. Við Björn fórum aðeins þangað í gær og töluðum við kennarann hennar. Hún heitir Lis og er mjög viðkunnarleg. Í morgun fylgdum við Kristínu í skólann og fórum aðeins með henni inn. Nemendur er átta og eru allir búnir að vera dágóðan tíma í Danmörku og eru því farin að tala dönsku. Þarna eru krakkar frá Afríku, Kína, Brasilíu, Grænlandi og fleiri stöðum. KB er sú eina sem er hvít og ljóshærð. Að bekknum koma sex kennarar og kenna misjafnlega mikið. KB fór í fysta sérkennslutímann í dönsku í dag. SF fór líka í fyrsta sérkennslutímann í dönsku í dag og hann sagði að þetta hefði verið allt öðruvísi en hann hafði ímyndað sér. Það sem mér finnst ólíkt hér og heima er hversu vel nemendur taka á móti nýjum félögum, hér eru allir að leika sér saman (kannski er þetta tóm ímyndun) Hér mega nemendur fara inn á útiskónum og drekka þegar þeir eru þyrstir, jafnvel gos ef um unglinga er að ræða. KB er svo heppinn að í hennar kennslustofu er eldhúsinnrétting með ísskáp og tilheyrandi og getur hún því geymt safann og jógúrtina í kæli. Ég hef ekki séð kennara reykja nálægt skólum hér, en Danir reykja fremur mikið.

Nökkvi og Sölvi komu í heimsókn í gær. Þeir komu svo seint greyin að það fóru allir að sofa stuttu eftir að þeir komu. Björn var að koma frá því að fylgja Sölva á lestarstöðina, en hann ætlar að halda áfram til Árósa og vera þar í víku. Nökkvi og SF eru búnir að skipuleggja daginn í dag. Það á að fara upp í Amager Center og á Amagerbrogade (verslunargatan) og síðan á ströndina.

Af mínum skólamálum er lítið sem ekkert að frétta, er verið að vinna í málunum.

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira