Margret Sverrisdottir

Ég er enn í hálfgerðu losti eftir fyrsta fyrirlesturinn sem ég fór á í "pædagogisk psykologi og evaluerling" á mánudaginn. En þar sat ég fremur aftarlega (kom of seint til) og "horfði" á mann tala í þrjá klukkutíma. Ég náði jú að skilja orð og orð. En hann tafsaði á dönsku og var ekki með eina glæru og skrifaði ekki orð á töfluna. Ég kom heim og þurfti áfallahjálp, Björn og Lói sáu um hana. Lói var akkúrat á msn-inu og við tengdum heyrntólið hans SF við og síðan var bara spjallað í góða stund. Ég settist við tölvuna og skrifaði kennaranum bréf og er að bíða eftir svari (ætli hann noti nokkuð e-mail).
Í gærkvöldi fór ég með fjórum góðum konum sem búa hér á Amager á kaffihús. Markmiðið er að hittast einu sinni í mánuði og kanna kaffihúsaflóruna hérna í kring. Það er af nógu að taka. Við sátum góða stund og ræddum málefni kvenna, brjóstastækkanir, fitusog o.s.frv.
Núna er ég á leiðinni í fyrirlestur nr. 2 og vona að mér gangi betur en á mánudaginn. Alla vega er ég búin að fá lesefni og búin að undirbúa mig vel. Kennarinn er virkur á Netinu og þetta lítur betur út.

Vitið þið hvað, Íslendingar sem eru búsettir hér og hafa áhuga á að fara á Stuðmannatónleikana í Tívolíinu fá ekki miða. Flugleiðir keypti upp eiginlega alla miðana eða alla og ætla að selflytja liðið að heiman hingað út. Þannig að við sitjum bara heima og förum á Strikið eftir tónleikana og hittum alla Íslendingana þar.

Ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.

Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...

Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

Þetta byggist allt á trausti... Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...

Lesa meira