Fara í aðalinnihald

Stuðmenn!!!!

Helgin var vægast sagt viðburðarík. Á laugardaginn var byrjað snemma að skipuleggja daginn. Fórum yfir til Hrafnhildar og Viðars, þar var ákveðið hvað ætti að borða um kvöldið, en sommerfest var í hverfinu okkar. Allir sem búa hér voru hvattir til að mæta, grilla og borða saman. Frá kl. 11 var flóamarkaður og þeir sem áhuga höfðum gátu selt dót. Syninum tókst að sjálfsögðu að finna sér tvær spólur sem hann þurfti nauðynlega að eignast og eyddi vasapeningnum í að versla þær (heilar 20 dkr). Síðan átti samkoman að byrja um fimmleytið. Við versluðum og vorum mætt með litla borðið okkar og stólanum á réttum tíma. Veðrið var yndislegt og var töluverður slæðingur af fólki sem kom með mat og vín. Við sátum þarna þar til farið var að dimma, en þá var Dananum farið að kólna (það var hlýrra en á júlíkvöldi á Íslandi, flíspeysuveður). Fólk færði sig þá inn í sal sem tilheyrir íbúðunum. En við fórum ekki þangað VEGNA ÞESS AÐ.... við fórum að fara að hita upp fyrir STUÐMENN . Við sátum hjá Viðari og Hrafnhildi, þangað komu nokkrir skemmtilegir Danir sem vildu frekar vera með okkur en hinu liðinu. Petrea og Darri komu líka, setið var til hálfellefu, en þá var lagt í´ann. Krakkarnir voru allir hérna og horfðu á sjónvarp og vídeó. Við vorum ótrúlega heppin, Petrea og Darri fóru á undan og ætluðu að redda miðum og komu rétt í tæka tíð og náðu þeim síðustu. Ballið var geðveikt, það var svoooo gaman. Dansað allan tímann, fyrir utan 20 mín. pásu. Þarna var troðfullt af Íslendingum. Fyrsta fólkið sem við sáum var Ólafur Helgi, sýslumaður og Þórdís, konan hans. En síðan sáum við ekki fleira fólk sem við þekktum.



Hluti hópsins situr að snæðingi

Í dag fóru allir í hverfinu okkar út að bera á leiktækinn og húsgögnin. Ágætismæting og því gekk þetta mjög vel. Þetta er mjög góð leið til að kynnast nágrönnunum. Fólkið tyllti sér niður í grasið á eftir og fékk sér hressingu í boði húsfélagsins.

KB er búin að eignast fína vinkonu í hverfinu sem er í skólanum sem SF gengur í og hún kemur til með að fara í þegar hún er búin að ná dönskunni aðeins betur. Hún talar að sjálfsögðu bara dönsku við hana og vonandi fær hún að vera með henni í bekk.

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira