Fara í aðalinnihald
Jæja, nú vantar mig spark í rassinn. Ég eyði dögunum í allt annað en að sitja við tölvuna og skrifa atvinnuumsóknir eða hringja og leita mér að vinnu. Ég sendi reyndar nokkrar í síðustu viku, en það er ekki nóg, ég á að senda á hverjum degi. Þannig að nú verður að bretta upp ermar og koma sér í gang. Hendi einni í póst á morgun og svo hlýt ég að fara að fá einhver svör eða hvað??

Krakkarnir koma heim um hádegið á morgun. Þetta er búið að vera mikil skemmtiför, áætlanir hafa gengið eins og í sögu, ferðin til Ísafjarðar gekk vel og þar hittu þau, fyrir utan ömmu, afa og Atla, þessa frábæru vini sem þau hafa átt í mörg ár. Kristín Björg hitti Örnu Kristínu, var boðið í afmæli til hennar strax og hún kom. Hún hitti líka Önnu vinkonu sína. Sverrir Falur hittir alltaf bestu vini sína, þá Einar Örn og Gunnar. Í Borgarnesi var frábært, fórum í skólann, hittu bekkjarfélagana, kennarana og aðra vini. Inga Margrét sá um að dekra þau upp úr skónum dag eftir dag. Kristín Björg var svo heppin að vera boðið í afmæli til Mörtu og síðan hélt Verónika, mamma Rakelar Aspar, stelpupartý. Sverrir Falur hitti vini sína þá Hinna, Nökkva og Helga Elí. Þau voru náttúrulega bæði í góðu sambandi vð Guðrúnu og Atla Steinar, þar sem þau gistu hjá þeim. Í bænum voru þau hjá ömmu og afa og þar fyrir utan hittu þau frændfólkið sitt..alla vega Júlíu Guðbjörgu litlu frænku. Kristín Björg hitti líka Ester Ósk vinkonu sína og Sverrir Falur Atla frænda sinn, sem var staddur bænum.

Við foreldrarnir erum farin að hlakka til að fá þau heim og svei mér þá ef þau eru ekki farin að sakna okkar smávegis.

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira