Aðventan er skollin á og ég keypti aðventukransinn í dag. Ég ákvað að splæsa flottum kransi á heimilið í þetta sinn. Hérna er jólaskrautið ennþá úti í geymslu, dótturinni til mikillar armæðu. Hún skilur ekki alveg í móðurinni að vera ekki búin að rífa allt upp og gera allt klárt. En vonandi gefst okkur tími til að setja upp jóla e-ð fyrir helgina.
Við lögðum af stað til Tandslet strax eftir vinnu á föstudaginn og vorum komin til Lóa og Þóreyjar um hálf tíu. Við ætluðum að taka ferju milli Fjóns og Als, en misstum af henni, þar sem við villtumst. Stoppuðum á bensínstöð og keyptum þessa fínu kortabók og eftir það gekk allt að óskum (vorum þó allan tímann með kort í hanskahólfinu frá bílaleigunni, vissum bara ekki af því). Strax á föstudagskvöldið vorum við leidd um allan skólann, ekkert smá húsnæði fyrir 60 börn. Krakkarnir fengu að leika sér í íþróttasalnum á meðan. Á laugardagsmorguninn fengum við Björn okkur göngutúr um hluta af þorpinu. Þetta er alvöru sveit, þarna eru svín, beljur, geitur, hestar og allt. Ég var ekki lengi að finna út fullt af hlaupaleiðum um sveitina. Eftir hádegi keyrðum við yfir til Þýskalands. Við byrjuðum á að rölta um miðbæ Flensborgar, þar var þessi fína jólastemning. Við fórum líka í eitt af stóru verslunarmiðstöðum borgarinnar og enduðum í ,,grensubúðinni". Um kvöldið eldaði Þórey dýrindismat og síðan var spiluð kínaskák og síkvens fram á nótt). Á sunnudaginn fórum við aftur í göngutúr, en nú undir leiðsögn hjónanna. Við lögðum síðan af stað um hádegi frá Tandslet, en núna náðum við ferjunni, villtumst ekkert, enda var okkur fylgt af fjölskyldunni út á bryggjupollann.
Við dóluðum okkur í gegnum Fjón, keyrðum meðfram ströndinni, í gegnum fullt af litlum, skemmtilegum bæjum. þegar komið var á Sjáland, þá var farið að dimma og við keyrðum E20 alla leiðina heim. Komin heim um kvöldmat, sæl, en þreytt eftir frábæra helgi.
Nú er aftur á móti að hellast yfir mig stress, því að ég þarf að skila ritgerð 15. des, sem ég er ekki byrjuð á (bara byrjuð að hugsa). Ég dreif mig því út í dag og lauk við að kaupa restina af jólagjöfunum, því að allar þurfa þær að sendast úr landi.
Við lögðum af stað til Tandslet strax eftir vinnu á föstudaginn og vorum komin til Lóa og Þóreyjar um hálf tíu. Við ætluðum að taka ferju milli Fjóns og Als, en misstum af henni, þar sem við villtumst. Stoppuðum á bensínstöð og keyptum þessa fínu kortabók og eftir það gekk allt að óskum (vorum þó allan tímann með kort í hanskahólfinu frá bílaleigunni, vissum bara ekki af því). Strax á föstudagskvöldið vorum við leidd um allan skólann, ekkert smá húsnæði fyrir 60 börn. Krakkarnir fengu að leika sér í íþróttasalnum á meðan. Á laugardagsmorguninn fengum við Björn okkur göngutúr um hluta af þorpinu. Þetta er alvöru sveit, þarna eru svín, beljur, geitur, hestar og allt. Ég var ekki lengi að finna út fullt af hlaupaleiðum um sveitina. Eftir hádegi keyrðum við yfir til Þýskalands. Við byrjuðum á að rölta um miðbæ Flensborgar, þar var þessi fína jólastemning. Við fórum líka í eitt af stóru verslunarmiðstöðum borgarinnar og enduðum í ,,grensubúðinni". Um kvöldið eldaði Þórey dýrindismat og síðan var spiluð kínaskák og síkvens fram á nótt). Á sunnudaginn fórum við aftur í göngutúr, en nú undir leiðsögn hjónanna. Við lögðum síðan af stað um hádegi frá Tandslet, en núna náðum við ferjunni, villtumst ekkert, enda var okkur fylgt af fjölskyldunni út á bryggjupollann.
Við dóluðum okkur í gegnum Fjón, keyrðum meðfram ströndinni, í gegnum fullt af litlum, skemmtilegum bæjum. þegar komið var á Sjáland, þá var farið að dimma og við keyrðum E20 alla leiðina heim. Komin heim um kvöldmat, sæl, en þreytt eftir frábæra helgi.
Nú er aftur á móti að hellast yfir mig stress, því að ég þarf að skila ritgerð 15. des, sem ég er ekki byrjuð á (bara byrjuð að hugsa). Ég dreif mig því út í dag og lauk við að kaupa restina af jólagjöfunum, því að allar þurfa þær að sendast úr landi.
Ummæli