Fara í aðalinnihald

Vetur

Það má nú segja að það sé vetur hérna þessa dagana. Það er búið að vera ansi kalt. Þó hefur ekkert snjóað að ráði, en gallinn góði sem ég fékk í jólagjöf frá Mosegrisen hefur komið sér ansi vel.
Lífið gengur sinn vanagang, Björn er alltaf jafn ánægður í praktikinni sinni, vonast jafnvel að fá vinnu með skólanum þegar þessum tíu vikum er lokið. Krakkarnir nokkuð hressir, reyndar er Kristín Björg búin að vera hálfslöpp, var meira að segja heima einn dag. Sverrir Falur hefur varið undanförnum kvöldum í að kíkja á framhaldskóla, en nú í vikunni hafa þeir verið kynna starfsemina fyrir elstu nemendum grunnskólanna. Þar sem framtíð okkar er enn svo óljós, þykir okkur betra að hann sæki bæði um nám hérna og heima á Íslandi. Ég er aftur á móti búin að vera hálfslöpp, samt ekki lasin, bara full af kvefi og með hausverk. Ég hef samt reynt að vakna snemma til að lesa í námsbókunum og skokka eða synda, sem heldur mér gangandi og kemur í veg fyrir að ég fái hita (sjö, níu, þrettán).
Nú er ég búin að panta gistingu fyrir mömmu og pabba, en þau koma 13. maí (meira að segja föstudagur) og við erum líka búin að finna gistingu fyrir Jónínu, Garðar og Atla hérna í nánasta nágrenni. En ástæðan fyrir því að þau verða hérna öll á saman tíma er sú að Kristín Björg fermist 15. maí og það má segja að við erum orðin frekar spennt og vonandi verður komið sumar.

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira