Fara í aðalinnihald

hvada hvada

Loksins nenni ég að skrifa nokkara setningar á bloggið.
Sólin skín og vorið er komið. Trén eru farin að laufga og fólk er komið í sumarfötin. Þetta var víst svona svipað í fyrra, en síðan fór það og kom ekki aftur fyrr um miðjan júlí. En svona verður þetta ekki í ár.
Inga Margrét, Ingi og stórfjölsk. eru í Köben þessa dagana. Við höfum fengið að líta framan í þau annað slagið, en dagskráin er búin að vera ansi stíf hjá þeim. Við höfum samt verið svo heppin að hafa haft Guðrún allan tímann og Atli Steinar ætlar að gista hjá okkur í nótt. Hann fær þá vonandi að leika við Andra Snæ, Önnubellu og Patrek, sem eru að lenda ca. núna. Þau, ásamt Viðari, hafa verið í rúma viku í heimsókn á Ísland.

Sverrrir Falur er allt í einu orðinn fullorðinn, hann varð 16 þann 22. mars og dóttirin verður 14 á morgun. Sverrir Falur má núna fara út í búð og versla áfengi og verð ég að viðurkenna að það vekur upp smá ótta hjá mömmunni (best að fara að flytja til Íslands með hann). Þetta er undarlegur heimur, hér má drekka frá 16 ára aldri, en ekki keyra bíl fyrr en 18 ára. En á Íslandi má keyra bíl 17, en ekki drekka áfengi fyrr en 20 ára. Unglingar þroska greinilega mishratt ákveðna hæfileika, eftir því hvar þeir búa (er ekki til einhver EU staðall??)

Ummæli

Nafnlaus sagði…
Því miður er reynslan sú að engu skiptir hvar blessuð börnin búa, ef þau ætla sér eitthvað, þá framkvæma þau það, hvar sem þau búa og hvað sem lögin segja ;-) Haltu þínu striki !!
10:56 e.h.
Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira