Fara í aðalinnihald

SFB og KBB

Ég hugsa bara um sjálfa mig þessa dagana. Gleymi að segja ykkur hvað börnin okkar hafa það frábært. SFB er í Köben og ég talaði við hann í gærkvöldi. Hann var mjög hamingjusamur og hefur haft nóg að gera við að skemmta sér með vinum sínum. Búinn að fá útborgað og búinn að plana hvaða skó á að kaupa (hann er skósjúkur, humm hvaðan ætli hann hafi það????). Á morgun er planið að fara "Sommerland Sjælland"með Söndru og fjölskyldu og hlakkar hann mikið til.
KBB er Laxárbakka um helgina með Rakel Ösp vinkonu sinni og fjölskyldu. Hún er búin að hafa það mjög mjög gott í Borgarnesi hjá frábæru fólki. Og getum við örugglega seint þakkað fjölskyldunni nægjanlega fyrir að hugsa svona vel um stelpuna okkar í svona langan tíma. Taka þarf fram að eina sem dóttir mín vill frá Danmörku eru skór (Kawasaki).

Ummæli

Nafnlaus sagði…
hæhæ... Ég skil krakkana vel með þetta skóæði enda er ég líka svona :) Þetta er ábyggilega eitthvað í ættinni... ammsa er nú líka svona... hehhee... Ætlaði þó ekki að tala um skó hérna heldur bara kasta kveðju. Hlakka til að fá ykkur öll á klakann, búið að vera tómlegt í síðustu jólaboðum :S
Kveðja, Rut Gunnars.
ps. Júlía Guðbjörg er loks komin með síðu. Hún er: http://www.barnaland.is/barn/35092/ Lykilorðið er huldarut
10:10 e.h.
Gudrun Vala sagði…
Glæsileg íbúð - ég kíkti aðeins þegar ég sótti Nökkva- og verð að segja að þið eruð ótrúlega heppin.
Enn og aftur til hamingju!

Guðrún Vala
1:03 e.h.
Margrét sagði…
Takk Guðrún Vala, okkur líður mjög vel hérna. Nú er bara að skella sér í kaffi
5:45 e.h.
Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira