Fara í aðalinnihald

Blautt og hvítt

Eftir mikla þurrka og kulda undanfarna daga og vikur byrjaði að snjóa í dag. Sem betur fer urðu kornin að vatni við lendingu. Ég er ekki til í snjókomu og vetur núna, þegar vorið á að vera á næstu grösum.
Ég verð að viðurkenna að ég er farin að telja í páskafrí eins og nemendur mínir. Það verður nóg um að vera hjá okkur í fríinu. Sidney vinkona KBB kemur í heimsókn frá Danmörku. Hún kemur með Lovísu, Jónínu og Þorvaldi. Lovísa ætlar að fermast á sunnudaginn. Þrenningin ætlar að komast yfir heilmikið á meðan Lovísa og Sidney eru á landinu.
Garðar tengdapabbi minn er í heimsókn, hann er að fara í aðgerð á hinu auganu á morgun. Við notuðum tímann og skruppum í bæinn í dag og hann keypti sér spariföt og skó. Við vorum ansi roggin með okkur. Jónína kemur á laugardaginn til að fara í fermingarveislu. Þau koma til með að hittast öll systkinin nema Gógó. Jónína nær þá að hitta Jakob og fjölskyldu, en þau flytja heim á laugardaginn.
Ég var í seinni lotunni í námskrárfræðum á föstudag og laugardag, fengum við áhugaverða fyrirlestra og leggst ekkert illa í mig að liggja í páskafríinu yfir þessum fræðum.
Nú fer að koma að því að SFB fái leyfi til að æfa sig að keyra bílinn með okkur. Við eigum að fara með í ökutíma á morgun.
Börnin okkar eru bæði að fara á árshátíð á fimmtudaginn, hvort með sínum skóla.

Ummæli

Skrifa ummæli

Vinsælar færslur af þessu bloggi

Ég held að Danir séu fremur mikil jólabörn, heimili þeirra eru alla vega ansi jólaleg. Þeir vilja þó ekki vera mjög áberandi, jólaseríurnar eru flestar hvítar, þó sést í eina og eina í öðrum lit. Algengt er að sjá jólatré á svölunum hjá fólki, flest eru þau með seríum og sum meira að segja skreytt jólakúlum og öllum pakkanum. Margir eru líka búnir að setja upp jólatréð inni og vorum við einmitt að fylgjast með því þegar nágranni okkar var að skreyta það hjá sér í gær. Strax þriðja í jólum er eins og það hafi ekki verið jól, allt búið, jólatrén komin út, slökkt á öllum seríum og útsölur hafnar í öllum búðum. Við höldum í okkar íslensku hefð, séría í öllum regnbogans litum á svölunum og jólatréð ekki upp fyrr en á Þorláksmessu og ekki tekið niður aftur fyrr en á þrettándanum. Danir skilja ekkert í þessum þrettán jólasveinum sem við eigum.
Skrifa ummæli
Lesa meira

Laugavegurinn 2013

Hópurinn safnaðist saman kl. 3:50 við Ásvelli. Vorum komin við Skautahöllina tímanlega, en samt voru flestar rútur orðnar fullar, þannig við fengum aftasta bekkinn í einni rútunni, auk tveggja stakra sæta. Keyrt var að Hrauneyjum, en þar stoppaði rútan í 25 mín. Tími fór í að bíða eftir klósettum og síðan var löng röð í morgunmatinn. Við rétt náðum í brauð og kaffi til að taka með okkur í rútuna. Kaffið var gott, en ákveðið var að taka með nesti næst. Við vorum kom í Landmannalaugar um 8:20.. þá átti eftir að skrá sig og pissa og setja vatn á brúsa.. Bæta þurfti á fötum og fleira. Þetta rétt hafðist fyrir ræsingu. Allur hópurinn lagði af stað saman. Jóney og Júlíana fóru þó strax í upphafi á undan. Við fjórar héldum hópinn í Hrafntinnusker. Björgvin var aðeins á eftir okkur. Mér fannst erfitt að fara yfir snjóbreiðurnar en þær voru á tveggja km kafla fyrir Hrafntinnusker. Þar sem ég vissi hve kaflinn var langur þá átti ég auðveldara með að komast yfir. Eftir Hrafntinnusker missti ég ...
Skrifa ummæli
Lesa meira

Að hefja samtöl og opna dyr: Hvernig skólastjórar koma á jákvæðri menningu til að viðhalda umbótastarfi skóla

 Þetta byggist allt á trausti...  Hægt er að líka trausti við loft; enginn veltir skorti á því mikið fyrir sér fyrr en þess er þörf og það er ekki til staðar (Hoy og Miskel, 2013). Traust innan skóla er mikilvægt vegna þess að það auðveldar samvinnu, eykur hreinskilni, stuðlar að samheldni, styður fagmennsku, byggir upp skipulagsgetu og allt þetta stuðlar að bættum námsárangri hjá nemendum. Faglegt samstarfi byggir á gagnkvæmu trausti. Hoy og Miskel tala um að í traustu samstarfi séu einstaklingar háðir hver öðrum; það er, hagsmuni eins er ekki hægt að tryggja án þess að til staðar sé traust á öðrum. Traust þarf að ríkja meðal kennara, annars starfsfólks, stjórnenda, nemenda og foreldra. Þegar starfsfólk ber mikið traust til skólastjóra, telur það að hann sé vel viljaður, áreiðanlegur, hæfur, heiðarlegur og opinn í samskiptum. Þannig er traust vilji starfsfólks til að berskjalda sig fyrir öðrum, byggt á þeirri trú að sá aðili sé vel viljaður, áreiðanlegur, hæfur, heiðarlegur ...
Skrifa ummæli
Lesa meira