Það er gott að vita af því að það er einhvers staðar þarna á bak við skýin eitthvað gult og mjög heitt. Þetta risastóra ferlíki skín núna á landið sem ég yfirgaf fyrir tæpu ári og er víst búið að vera ansi heitt þar (kannski bara allt of heitt).
Mér gefst tími til að ljúka við að sortera dótið sem við sóttum í Lambhaga um hvítasunnuna. Það voru alltaf nokkrir kassar sem átti eftir að ákveða hvað ætti að gera við. Ég er lítið fyrir að geyma óþarfadót og vil bara henda því sem nýtist engum. En þegar kemur að bókum og ákveðnum fötum þá verð ég viðkvæm. Þó er ég búin að vera ansi dugleg, sjö kassar af bókum fóru í Góða hirðinn og á bókasafnið. Þessi aukna tiltektarárátta kemur til að því að íbúðin er 45 fm minni en íbúðin í Borgarnesi og geymslan er tveir fermetrar, undir stiga sem þýðir að lofthæðin er ekki mikil. Þess utan er hún óupphituð, þannig að allt sem inní hana fer kemur illa lyktandi út. Ég er því fastur gestur á Sorpu, þar sem ég er alltaf að losa mig við dót og þar að auki fremur vistvæn og fara dagblöð, fernur, pappi og fleira í sína gáma.
Það er best að halda áfram tiltektinni við rafmagnljós kl. 12:59 þann 16. júní sem á að vera með björtustu dögum landsins. En hvað um það lífið er dásamlegt.
Vel á minnst KBB er byrjuð að vinna hjá Bónusfeðgum, þó ekki í Bónus. Nei, hún byrjaði í næsta þrepi, er í appelsínugulum bol á kassa í Hagkaupum í Skeifunni.
Mér gefst tími til að ljúka við að sortera dótið sem við sóttum í Lambhaga um hvítasunnuna. Það voru alltaf nokkrir kassar sem átti eftir að ákveða hvað ætti að gera við. Ég er lítið fyrir að geyma óþarfadót og vil bara henda því sem nýtist engum. En þegar kemur að bókum og ákveðnum fötum þá verð ég viðkvæm. Þó er ég búin að vera ansi dugleg, sjö kassar af bókum fóru í Góða hirðinn og á bókasafnið. Þessi aukna tiltektarárátta kemur til að því að íbúðin er 45 fm minni en íbúðin í Borgarnesi og geymslan er tveir fermetrar, undir stiga sem þýðir að lofthæðin er ekki mikil. Þess utan er hún óupphituð, þannig að allt sem inní hana fer kemur illa lyktandi út. Ég er því fastur gestur á Sorpu, þar sem ég er alltaf að losa mig við dót og þar að auki fremur vistvæn og fara dagblöð, fernur, pappi og fleira í sína gáma.
Það er best að halda áfram tiltektinni við rafmagnljós kl. 12:59 þann 16. júní sem á að vera með björtustu dögum landsins. En hvað um það lífið er dásamlegt.
Vel á minnst KBB er byrjuð að vinna hjá Bónusfeðgum, þó ekki í Bónus. Nei, hún byrjaði í næsta þrepi, er í appelsínugulum bol á kassa í Hagkaupum í Skeifunni.
Ummæli